सरकारले २९ जना सहसचिवको सरुवा गरेको छ। त्यसमध्ये ४ जना सहसचिवलाई स्थानीय तहमा खटाइएको छ । यसरी स्थानीय तहमा पठाइएका सहसचिवहरुमा रेशमलाल कँडेललाई वीरगञ्ज महानगरपालिकाबाट कलैया उपमहानगरपालिकामा खटाइएको छ । यस्तै,हालैमात्र सहसचिवमा उक्लिएका विजयकुमार शर्मालाई विराटनगर,टेकबहादुर वलीलाई हेटौंडा उपमहानगरपालिका,बसन्त बोहरालाई वीरगञ्ज महानगरपालिकामा खटाइँदा आरती न्यौपाने भूमि व्यवस्था तथा संघीय मामिला मन्त्रालयमै पदस्थापन हुन सफल भएकी छिन् । हालैमात्र पदस्थापन भएका तीन जना सहसचिवलाई स्थानीय तहमा खटाइँदा कान्छी सहसचिवको रुपमा चर्चित आरती न्यौपानेलाई भूमि मन्त्रालयमै पदस्थापन गरिएको हो ।
बिज्ञापन
यता,सरुवाको सूची अनुसार, भूमिबाट लक्ष्मी पाण्डेय गौतम, रक्षाबाट कृष्ण पौडेल, कृषिबाट प्रदिपकुमार कोइराला,उद्योगबाट बलराम निरौला, भूमिबाटै पुष्पराज शाही र कृषिबाट भूपेन्द्र थापा गृहमा पुगेका छन् । लामो समयदेखि संघीय मन्त्रालयमा रहेका राजेश्वर ज्ञवाली र रोशन ज्ञवाली कोशी र गण्डकी प्रदेशमा सरुवा भएका छन् ।
बिज्ञापन
